അതിന്റെ അവിശ്വസനീയമായ ഉള്ളൊഴുക്കുകളുടെ ഭാഗവും ദൃക്സാക്ഷിയുമായിരുന്ന പ്രമുഖ പത്രപ്രവർത്തകൻ ജോൺ മുണ്ടക്കയം ആ നടുക്കുന്ന കഥ ഇവിടെ പറയുന്നു.

രാഷ്ട്രീയ പകപോക്കലും വ്യക്തിഹത്യയും വാർത്തവേട്ടയും പൊലീസുദ്യോഗസ്ഥരുടെ വഴിവിട്ട നീക്കങ്ങളുമാണ് ചാരവൃത്തിക്കേസിനെ മാരകവും വിഷം ചീറ്റുന്നതുമാക്കി മാറ്റിയത്. അതിന്റെ രക്തസാക്ഷികൾ അനവധിയാണ്. രണ്ട് സ്ത്രീകളുടെ മേൽ കേരളം കോരിച്ചൊരിഞ്ഞ വിദ്വേഷം മലയാളികളുടെ ചരിത്രത്തിന്മേൽ എന്നന്നേക്കും ഒരു കളങ്കമായി നിലനിൽക്കും.

ജോൺ ഈ പുസ്തകത്തിൽ നിർമ്മമമായും വസ്തുനിഷ്ഠമായും ചാരവൃത്തിക്കേസിന്റെ രഹസ്യങ്ങളിലേയ്ക്ക് പാരായണസുഖ സമ്പുഷ്ടമായ ഒരു വാതിൽ തുറക്കുന്നു. ചാരവൃത്തിക്കേസിനെപ്പറ്റിയുള്ള അവസാന വാക്ക് എന്ന് ഈ പുസ്തകത്തെ ഞാൻ വിശേഷിപ്പിക്കുന്നു.